mércores, 16 de maio de 2018

Tema 6: Introdución á Programación con Pseint (TIC 4º ESO). Curso 2017-2018.


Neste tema comezamos unha introdución á programación con Pseint

Despois de explicar en que consiste a programación, coñeceremos 2 ferramentas de deseño de algoritmos, os diagramas de fluxo e o pseudocódigo. E faremos as nosas prácticas de programación co aplicativo Pseint (multiplataforma e gratuíto), que permite obter tanto diagramas de fluxo e pseudocódigo como código fonte en diversas linguaxes de programación.

Para descargar os contidos deste tema preme nas ligazóns aos seguintes documentos PDF:
Os exercicios serán propostas durante as horas de clase, indicando o profesor cales serán tarefas a entregar no curso de Google Classroom.

martes, 15 de maio de 2018

Traballos finais do Tema: Introdución á edición de vídeo con Kdenlive. (TIC 4º ESO). Curso 17-18.

O traballo final do tema: Introdución á edición de vídeo con Kdenlive da materia de TIC de 4º de ESO, foi a realización dun vídeo sobre a II competición de robótica celebrada no IES. Chano Piñeiro o martes 20 de marzo de 2018.

Os alumnos traballaron a partir das gravacións da competición realizadas pola alumna de TIC de 4º de ESO Aida Miranda.

Os vídeos realizados trataron a competición desde puntos de vista diversos: Cómico, documental, Trailer-anuncio, etc.

Nesta entrada se mostra o que considero o mellor dos vídeos (foi unha elección difícil), que propón un Trailer-anuncio da II competición de robótica.

O vídeo foi realizado por Sebastían Álvarez.

luns, 9 de abril de 2018

Tema 4: Deseño 3D con FreeCad (TIC 1º Bach). Curso 2017-2018.


Neste tema imos a realizar unha introdución ao deseño 3D co programa FreeCad.

Imos a seguir, en parte, as indicacións dos cursos deseñados por Obijuan (preme na seguinte ligazón para visitar a páxina Obijuan Academy).

A 1ª tempada do seu curso sobre FreeCad está accesible desde a páxina Wiki-robotics e para acceder á 2ª tempada premede na seguinte ligazón.


Ademais, imprimiremos unha selección dos deseños realizados, utilizando o aplicativo Repetier e a impresora Legio 3D.

domingo, 1 de abril de 2018

Tema 5: Tratamento dixital de vídeo con Kdenlive (TIC 4º ESO). Curso 2017-2018.


Nesta unidade imos a traballar os contidos de tratamento dixital de vídeo.

Existen multitude de ferramentas de edición de vídeo (sen entrar no mundo profesional):
  • Para windows: Windows Movie Maker, Camtasia ou Virtualdub.
  • Para Linux: Kdenlive, Openshot ou Avidemux.
Ademais temos moitas opcións de edición de vídeo en liña (entre outras o editor de vídeo de Youtube).

Para este curso, imos a utilizar o aplicativo Kdenlive, pois ademais de ser software libre, desde a versión 16 é tamén multiplataforma (hai versións para Linux, Windows e Mac).

O contido teórico deste tema o podedes descargar premendo na seguinte ligazón: Video dixital.pdf.

Na seguinte ligazón tedes acceso a un titorial de Kdenlive realizado por Peregrina Pintos Testa: Titorial Kdenlive.pdf.

Podedes consultar tamén os vídeo-titoriais de kaleolinex sobre Kdenlive, aquí tedes a ligazón ao vídeo introdutorio ao Curso Express de edición de vídeo con Kdenlive: KN01: Kdenlive - Introducción.

Despois dunha pequena introdución a Kdenlive, o profesor presentará as tarefas a entregar no curso de Google Classroom.

xoves, 1 de febreiro de 2018

Día da Ciencia en Galego: Recepción de imaxes dos Satélites meteorolóxicos NOAA. 1º Bach. Curso 2017-2018.

Traballo presentado nas actividades do día da Ciencia en Galego, celebrado no IES. Chano Piñeiro o martes 16 de xaneiro de 2018.

Monitores: Iván de la Fuente e Eider Espiña.

O traballo consistiu na explicación de como recibir as emisións dos mapas meteorolóxicos dos satélites NOAA, un resumo do traballo presentado pode consultarse no documento: Recepción imaxes Satélites meteorolóxicos NOAA.pdf.

A información de partida para o traballo, se obtivo da páxina web de Instructables: "Cheapest Way to Receive Weather Satellite Images" de NagelmaierP e se completou coa información da páxina web: N2YO.com, que permite realizar un seguimento dunha gran variedade de satélites e coñecer as  datas e horas de paso.

Actividades realizadas:
  • Explicación dos diversos tipos de satélites: Polares (entre eles os NOAA) e xeoestacionarios.
Visionado do vídeo sobre os tipos de satélites

  • Seguimento dos satélites, paso previo á gravación das súas emisións.
Detalle da páxina de N2Y0
  • Recepción e gravación das emisións de radio do satélite NOAA desde a páxina web WebSDR.
Momento da gravación da sinal emitida polo satélite NOAA
  • Obtención da imaxe do mapa meteorolóxico a partir do arquivo de audio, co programa WXtoIMG.
Un dos mapas meteorolóxicos obtidos

martes, 30 de xaneiro de 2018

Tema 4: Tratamento de audio dixital con Audacity (TIC 4º ESO). Curso 2017-2018.


Nesta unidade imos a traballar os contidos de tratamento dixital do son. Usaremos, sobre todo, a aplicación "libre" Audacity.

No seguinte documento tes unha introdución teórica ao audio dixital: "Audio dixital.pdf"

Os contidos prácticos desta unidade, se basearán, en parte, nos estupendos exercicios sobre Audacity do IES. María de Molina, se premes na seguinte ligazón, poderás descargar o documento no que se describen os exercicios: "Exercicios de Audacity.pdf".

Aínda que realizaremos trocos nos exercicios propostos, necesitarás algún dos arquivos de audio que se solicitan no pdf anterior, se premes na seguinte ligazón, poderás descargar o arquivo comprimido en ".zip": "Arquivos para exercicios Audacity.zip".

Podes consultar a axuda en liña de Audacity, premendo na seguinte ligazón: Manual de Audacity.

domingo, 24 de decembro de 2017

Tema 3: Creación e edición de páxinas Web (TIC 2º Bach). Curso 2017-2018.

Nesta unidade coñeceremos as características principais das diversas linguaxes de marcaxe (HTML, XML, XHTML) utilizadas na elaboración de páxinas web, "Linguaxes de marcaxe.pdf", así como das follas de estilo en cascada (CSS), utilizadas para darlles o formato de presentación elixido por nós.

Tamén faremos un repaso das ferramentas de xestión de contidos (Content Management, CM), "Ferramentas de xestión de contido.pdf", con exemplos concretos dos seus elementos:
  • Servidor Web: Apache.
  • Linguaxe de programación: PHP.
  • Servidor de base de datos: MySQL.
Durante esta unidade realizaremos unha pequena parte de 2 cursos en liña de Sololearn: HTML Fndamentals e CSS Fundamentals.

E tamén seguiremos, en parte, o curso en liña de Stembyme: HTML5+CSS.

Podedes acceder tamén a un arquivo PDF no que se resumen os conceptos fundamentais tratados no curso de HTML5 de Sololearn:  HTML5.pdf

Na páxina w3schools.com podedes atopar unha amplia guía de referencia das etiquetas HTML e de CSS.

Para a realización das prácticas de creación de páxinas Web se pode usar calquera editor de texto "plano" (como o Bloc de notas de Windows). Para os nosos ordenadores co S.O. Debian, usaremos o editor Geany.

Tema 3: Sistemas Operativos (TIC 4º ESO). Curso 2017-2018.

 

O terceiro tema deste curso trata sobre os sistemas operativos dos ordenadores, tablets e teléfonos móbiles.
Se premes na seguinte ligazón poderás acceder ao pdf co contido deste tema, así como aos exercicios a realizar na aula de informática: Sistemas operativos.pdf.

Para a realización dos exercicios necesitarás acceder á seguinte información e ligazóns:


venres, 24 de novembro de 2017

Selección dos mellores traballos en Gimp. (TIC 4º ESO). Curso 2017-2018.

Nesta entrada quedan expostos os mellores traballos entregados durante a realización do tema de Tratamento de Imaxes con Gimp, realizados durante o Curso 2017-2018 no curso de TIC de 4º de ESO.

Aplicación de filtro á unha parte da fotografía:
foto orixinal
Traballo de Alfonso Alonso
Creación dun logo sobre fondo:
Traballo de Sebastián Álvarez
Efecto marco sobre unha foto de New York:
Foto orixinal
Traballo Zaida García
Efecto Cómic sobre unha foto de praia:
Foto orixinal
Traballo Sergio Barbeitos

luns, 30 de outubro de 2017

Tema 2: Arquitectura de computadores (TIC 1º Bach). Curso 2017-2018.

HARDWARE

Definición: Conxunto de compoñentes e elementos que integran a parte material dun ordenador ou outro dispositivo electrónico “intelixente”.
Imos a centrarnos no estudio do hardware dos ordenadores por ser estes os dispositivos electrónicos máis importantes na actualidade e por que comparten moitas características con dispositivos máis recentes (tablets, teléfonos “intelixentes”, etc).
Na seguinte ligazón podes acceder á excelente páxina de Agrega definición de computador.
Como axuda, usaremos os contidos obtidos da páxina de Agrega, que están resumidos no seguinte documento PDF: "Tema Hardware.pdf", pero a materia básica deste apartado está resumida no seguinte PDF: "Arquitectura de computadores.pdf".

De seguido tedes a presentación realizada en Genial.ly por Paulo Varela, Jose Álvarez, Eider Espiña e Iván de la Fuente, durante este curso, sobre o contido: Arquitectura de ordenadores.

SISTEMAS OPERATIVOS

Defínese un sistema operativo (S.O.) como o software de sistema que permite ao ordenador o arranque, a xestión dos recursos e a comunicación usuario-dispositivos físicos (hardware).
Faremos un repaso ao software denominado Sistema Operativo, sen centrarnos exclusivamente no S.O. dos ordenadores, así veremos tamén o dos teléfonos móbiles e tabletas.
Estes apuntes foron elaborados a partir da excelente documentación da páxina de Agrega.
Como axuda, usaremos os contidos resumidos no seguinte documento PDF: "Tema: Sistemas Operativos.pdf", pero se recomenda a visita á páxina de Agrega.
Ademais podes descargar: